39, September 25, 2017
ADS
देश

सिलवाल पक्राउ मुद्दाको बहस सकियो, फैसला तयार हुँदैै

 

काठमाडौं । प्रहरी नायव महानिरीक्षक डिआइजी नवराज सिलवालले आफूलाई पक्राउ गरिएको भन्दै सर्वोच्च अदालतमा दायर गरेको बन्दी प्रत्यक्षीकरण रिटमा बहस सकिएको छ । सिलवालको रिटको फैसला अदालतले सोमबार (आजै) सुनाउने भएको छ ।

सिलवाल पक्राउ परेलगत्तै अधिवक्ता पूर्णप्रसाद राजवंशीमार्फत सर्वोच्चमा रिट दर्ता भएको हो । रिटमा सिलवाललाई पक्राउ नगर्न आदेश माग गर्दै रिटको पेसी सोमबारै तोक्न अनुरोध गरिएको थियो । रिटको सुनुवाई प्रधानन्यायाधीश सुशीला कार्कीको बेन्चमै भएको बताइएको छ ।

सिलवालले प्रहरी महानिरीक्षक प्रकाश अर्यालको नियुक्ति बदरको माग गर्दै निवेदन दिने क्रममा अर्कै कार्यसम्पादन मूल्यांकनको अर्कै कागज पेश गरेको सरकारको जिकिर छ । सिलवालले सर्वोच्चमा पेश गरेको कार्यसम्पादन मुल्याङ्कनमा प्रकाश अर्यालको फाइलबाट आफ्नो कपी पेष्ट गरेको खबरसमेत आएको छ, जसमाथि अहिले छानविन भइरहेको छ ।

कार्यसम्पादन मूल्याङ्कनको फाइल कसैले पनि राख्न नपाउने भए पनि सिलवालले आफ्नो मात्र नभई अर्यालको समेत फाइल राखेको र व्यक्तिगत फाइल मिडियालाई बाँडेको आरोप छ । प्रहरीले सिलवाललाई सोमबार विहान् घरबाट प्रहरी प्रधान कार्यालय नक्साल लगेको थियो ।

 

ADS